سر يـــــــا قلم

تشرف بكتابة القصيدة : علي محمد علي الحربي

سر يا قلم وأنته علـى البـوح مأجـور
من عند رب فـوق السمـاوات عالـي
الخالـق العالـم فـي السـر وجهـور
الواهـب المعطـي عزيـز الجـلالـي
اليوم مانتـه علـى الصمـت معـذور
والحـق مهمـا كــان لازم يقـالـي
ومن تخاذل عن الحـق مثبـور مثبـور
ويعيش في درب الشقـا سـي الفعالـي
الـيـوم لا بــد نتحـيـزم ونـثـور
وعرض النبي نفـداه فـي كـل غالـي
ولا نـرضـى يعـتـدي أي محـقـور
على العفيفات الطاهرات راعيات المعالي
سبـهـن يعتـبـر ظـلـم وجـــور
وتنقصـن فـي قـدر سيـد الرجالـي
الطاهر المعصوم من الحـور والكـور
الصادق المصـدوق فـي كـل حالـي
المـاء بيـن يديـه يتفجـر ويـفـور
وبدعـوتـه تنـبـت أرض محـالـي
الشافع المشفع عقـب نفخـة الصـور
اللـي نشـر الحـق يميـن وشمالـي
عليه سلام الله على مر الأيام وعصـور
عليه صلاتـن كلـه ماجالـه مجالـي
وزوجاته حبيباتـه حصينـات وطهـور
إختـارهـن الله عظـيـم الـجـلالـي
رضن على الشـدات والحـال ميسـور
وتنازلـن عـن دار الفنـا والـزوالـي
قدرهـن عالـي فـي القلـب محفـور
عنـد الـذي قلبـه مـن الغـل خالـي
أما الذي صـدره مـن الحقـد محـرور
قـام يتكلـم بشـئ تصديقـه محالـي
وظلم بنت الصديـق فـي بهـت وزور
حبيبـة نبـي الله كـريـم الخصـالـي
كـم حديـث ياأهـل العـرف مشهـور
راويته لنـا الطاهـرة بنـت الرجالـي
أم لـنـا نقولـهـا بـعـز وفـخـور
غصب علـى أهـل الخنـا والرزالـي
تلقى خبر طهرها فـي سـورة النـور
يالخايب الظالـم يالمكتسـي بالخمالـي
قـام يهـذا ويتهـبـد كـنـه الـثـور
ما يدري إنـه عندنـا تحـت النعالـي
ولا يدري إن الآخره بها حزن وسـرور
ولا يدري إن أعراض الناس جرف هيالي
يوديك من حادور فـي وسـط حـادور
والمنتـهـى نــار مـالـه بـدالـي

ابداع .. تسلم أخـي الغالـي

تشكر أخـي العزيز ع المرور